Gandivam Issue

गाण्डीवम्

गाण्डीवम्
15_May_2026-14June_2026

गाण्डीवम्

सम्पादकीयम्
धर्मेण हीनाः पशुभिः समानाः
भारतीयसंस्कृतेः समग्रदर्शनस्य सारभूतोऽयं नीतिवचनरत्नं मानवजीवनस्य परमं प्रयोजनं सुस्पष्टतया प्रकाशयति। आहारः, निद्रा, भयम्, मैथुनम् - एते प्रवृत्तयः सर्वेषां प्राणिनां समानाः स्वाभाविकधर्माः। मनुष्यस्य विशिष्टता न शरीरे, न बुद्धौ, न सम्पत्तौ, न पदे, अपितु धर्मे एव प्रतिष्ठिता। धर्म एव मनुष्यं मनुष्यत्वेन विभूषयति, धर्म एव तस्य जीवनं मूल्यवत्, मर्यादितं, लोकहितकरं च करोति ।
अद्यत्वे विज्ञानस्य, प्रौद्योगिक्याः, भौतिक-समृद्धेश्चाद्भुतो विकासो दृश्यते; परन्तु तदनुरूपं नैतिकचेतनायाः, सामाजिकदायित्वबोधस्य, आत्म-संयमस्य च ह्रासोऽपि स्पष्टरूपेण अनुभूयते। यत्र धर्मस्य स्थाने स्वार्थः, संयमस्य स्थाने भोगलालसा, सेवायाः स्थाने स्पर्धा, सत्यस्य स्थाने मिथ्याचारः प्रतिष्ठाप्यते, तत्र समाजस्य अधःपतनं भवति।

Every issue is fully searchable online.

Keep Reading

More Issues